బైబిల్ · Indian Revised Version (Telugu) 2019

యోబు 25

¹ అప్పుడు షూహీయుడు బిల్దదు ఇలా జవాబు ఇచ్చాడు.

² అధికారం, భీకరత్వం ఆయనవి. ఆయన పరలోక స్థలాల్లో క్రమం నెలకొల్పుతాడు.

³ ఆయన సేనలను లెక్కింప శక్యమా? ఆయన వెలుగు ఎవరి మీదనైనా ఉదయించకుండా ఉంటుందా?

⁴ మనిషి దేవుని దృష్టికి నీతిమంతుడు ఎలా కాగలడు? స్త్రీకి పుట్టినవాడు ఆయన దృష్టికి ఎలా శుద్ధుడు కాగలడు?

⁵ ఆయన దృష్టికి చంద్రుడు కాంతి గలవాడు కాడు. నక్షత్రాలు పవిత్రమైనవి కావు.

⁶ మరి నిశ్చయంగా పురుగు-పురుగులాంటి నరుడు అంతే కదా.